Blanko

Paulit-ulit kong tinatanong

Ang basag na puso ko

Kung babalik ba kami

Sa relasyong "Hindi-tayo

Pero-pansamantala

Pwede-na-din-siguro."

Hahabulin ko ba yung 

Pagtrato mong sapat lang,

Meron man o wala

Sabi mo ayos lang.

Di pa din naman magbabago

Ang pag-ikot ng mundo

Kahit ikaw yung mundo ko,

At ako sayo ay "sapat lang".

Kaya siguro hindi na,

Hahayaan na lang kita

Kung maramdaman mo mang

Isa akong kawalan

Tsaka na, tsaka na lang.

Hindi muna, paalam.

8/12 0928hrs