Alam Ko Na

 7/15 0106 hrs

Pampalipas-oras lang ako

Habang ako, siguradong-sigurado

Sayo umiikot ang mundo.

Wag mo naman sabihing

Matigas ang puso ko

Kung ayaw kitang makita

At bigyan pa ng panahong

Baguhin ang pasya ko't

Papaniwalain

Na nasa isip ko lang ito

(Kasi alam natin ang totoo)

Mahal mo nga ako

Pero di sapat para makalimot

Sa sugat na iniwan sayo

Na pilit mong tinatago

At pilit kong kinakahon

Pero nagsusumigaw naman

Twing hinahanap ko sa'yo

Ang sagot pag sinasabi kong

Mahal na mahal kita,

Ako ba minahal mo?

(At 'di ba wala ka ngang maidugtong?)