Sa kakapiranggot mong
Binitawang mga salita
Unti-unti kong natututunan
Na usapang-laseng lang pala
At walang katotohanan
O dapat na asahan.
Nasambit lang dahil
Dala ng ginaw at ilaw
Ngunit walang laman,
Pinaghalong antok at pagod
Hanggang di na makasagot
At nang tapos na't nakaraos
Pati pagtangi'y naubos.
Ang kaibahan lang natin noon ay
Mas puyat ako't pagal
At yun na nga, sa tinagal-tagal
Ako lang ang totoong nagmahal.
12.18.2023
18:08 hrs
No comments:
Post a Comment