Kung hindi ko maalala
di ba ang ibig sabihin ay
malamang hindi naganap?
Pinipilit ko kasi tandaan
kung may sinabi ka ba
ba't ako nagdamdam
may pinangako ka ba
ba't ako umasam?
Wala naman, wala yata
sabi ng utak kong
awang-awa na
sa puso kong ayaw tumigil
sa pagpulot ng mga pirasong
patuloy na nababasag
kahahanap ng palatandaan
na ako na lang ang nakaalala.
1723 hrs
11/2/2023
No comments:
Post a Comment